काठमाडौं । नेपाल कम्युनिस्ट पार्टी (नेकपा) प्रचण्ड-माधव नेपालका वरिष्ठ नेता झलनाथ खनालले सर्वोच्च अदालतले गरेको फैसला अकल्पनीय भएको प्रतिक्रिया दिएका छन् ।

सर्वोच्चले आइतबार नेकपाको नाम विवादमा परेको मुद्दामा ऋषि कट्टेलको पक्षमा फैसला गर्दै नेपाल कम्युनिस्ट पार्टी (नेकपा) नेकपा एमाले र माओवादी कायम रहने बताएको छ ।

अदालतको फैसला आश्चर्यजनक भए पनि त्यसलाई कार्यान्वयन गर्ने उनले बताए । "फैसला अकल्पनीय आश्चर्यजनक अनपेक्षित र राजनीतिक फैसला भएको छ । न्यायालयबाट जुन न्यायको अपेक्षा थियो । त्यो भन्दा भिन्न ढंगको राजनीतिक फैसला भयो," बाह्रखरीसँग खनालले भने, "तर पनि अदालतले गरेको फैसला पालना गर्छौं ।"