काठमाडौं । राजधानीमा हुने मेयर कप क्रिकेटका लागि काठमाडौं मेयर-११ टिम सार्वजनिक भएको छ ।
नेपाल क्रिकेट संघ (क्यन) ले बुधबार प्रतियोगिताका लागि १५ जना खेलाडीको नाम सार्वजनिक गरेको हो । काठमाडौं महानगरपालिकाको सहयोगमा आगामी २२ गतेदेखि त्रिवि क्रिकेट मैदानमा मेयर कप क्रिकेट आयोजना हुँदै छ ।
प्रतियोगितामा राजधानीमा सम्पन्न प्रधानमन्त्री कप एकदिवसीय क्रिकेटमा सेमिफाइनलमा पुगेका चार टोली र बाँकी ६ प्रदेशको एक टिमले सहभागिता जनाउने भएका छन् ।
प्रतियोगितामा लागि काठमाडौं मेयर-११ को टिममा सिद्धान्त लोहनी, विवेक यादव, हरिशंकर साह, विपिन खत्री, अर्जन कुमाल, कृष्ण कार्की, सौरभ खनाल, अनिल खरेल, विक्रम भुसाल छन् ।
त्यस्तै सन्दीप रजाली, अनुज चुनारा, विपिन रावल, रवीन्द्र जंग शाही, खड्कबहादुर बोहोरा र नारायण जोशी छन् ।