राजनीति
काठमाडौं । मस्तिष्कघातका कारण उपचाररत कांग्रेस नेता नवीन्द्रराज जोशीको स्वास्थ्य अवस्था स्थिर रहेको उपचारमा संलग्न चिकित्सकले बताएका छन् ।
जोशीको अवस्था आइतबारजस्तै रहेको र खासै सुधार नभएको उपचारमा संलग्न वरिष्ठ न्युरो सर्जन डा. राजीव झाले बताएका छन् ।
उनको श्वासप्रश्वासका लागि भेन्टिलेटरको सहायता भने केही कम प्रयोग गरिएको डा. झाले जानकारी दिए ।
अचानक मस्तिष्कघात भएर अस्पताल भर्ना भएका जोशीको शुक्रबार काठमाडौंको नर्भिक अस्पतालमा शल्यक्रिया गरिएको थियो ।
आइतबार बिहान गरिएको सिटिस्क्यान रिपोर्टमा जोशीको टाउकोमा जमेको पानी कम हुँदै गएको तर रगतको जमेको मात्रा भने बाँकी रहेको देखिएको थियो ।
प्रकाशित मिति: सोमबार, फागुन १७, २०७७ १७:१२
प्रतिक्रिया दिनुहोस्