काठमाडौं । सरकारका प्रवक्ता एवं सञ्चार तथा सूचना प्रविधिमन्त्री पार्वत गुरुङले सर्वोच्च अदालतको फैसलाले प्रधानमन्त्री केपी ओलीलाई राजीनामा दिनबाट रोकेको बताएका छन् ।

मन्त्रिपरिषद् बैठककका निर्णयहरु सार्वजनिक गर्दै उनले प्रधानमन्त्री ओलीलाई राजीनामा दिनबाट रोकेको बताए । 

बहुमत प्राप्त प्रधानमन्त्रीले सरकार चलाउनुपर्ने फैसला गरेको भन्दै उनले यस्तो बताएका हुन् । प्रतिनिधिसभा विघटन बदर गर्ने अदालतको फैसलाको केही अंश वाचन गरेर सुनाउँदै उनले फैसलाले संवैधानिक र नैतिक हिसाबले राज्य सञ्चालनको जिम्मेवारीबाट भाग्न नमिल्ने फैसलाले बोलेको बताए । “प्रधानमन्त्रीलाई राजीनामाबाट रोक्ने काम सर्वोच्च अदालतको फैसलाबाट भएको छ,’’ उनले भने ।

नैतिकताका आधारमा प्रधानमन्त्रीले राजीनामा दिनुपर्छ भन्नेहरुलाई राजनीतिबाटै संन्यास लिन पनि गुरुङले सुझाए ।