काठमाडौं । प्रतिष्ठित ब्यवसायिक घराना दिवाकर गोल्छा कर्प अन्र्तगतको हुलास स्टील ईण्डष्ट्रिज लिमिटेडले नयां प्रकृतिको छाना छाउने कर्कटपाता गल्भाअलुम उत्पादन शुरु गरेको छ । उद्योगले बजारमा गल्भाअलुम ड्युराकलरको ब्राण्डमा बिक्रि वितरण गर्ने जनाएको छ ।

गल्भाअलुम कर्कटपाता उत्पादन गर्दा कोल्डरोल्ड सिटमा ५५ प्रतिशत आल्मुनियम, ४३.५ प्रतिशत जिंक र १.५ प्रतिशत सिलिकन कोटिंग गरी उत्पादन गरिने कम्पनीले जनाएको छ । सोही कारण साधारण ग्याल्भनाईज्ड कर्कटपाताको तुलनामा गल्भाअलुम कर्कटपातामा जंकप्रतिरोधि क्षमता ३ गुणा बढी हुने कम्पनीले जनाएको छ ।

नेपालमा पहिलो पटक अष्ट्रेलियन प्रविधिको कोटिंग प्रयोगमा ल्याईएको हुनाले कर्कटपाताको टिकाउपन ३ गुणा बढी रहने कम्पनीले जनाएको छ ।  

हुलास गल्भाअलुम र हुलास ड्युराकलर कर्कटपाताहरु नेपाली बजारमाकम्पनी कै डिलर, डिपो तथा शाखा कार्यालयमा उपलब्ध हुने जनाइएको छ ।