काठमाडौं । सानिमा बैंक र पाटन अस्पतालबीच निम्म आर्थिक अवस्था भएका महिलाहरुको उपचारका लागि गत वर्ष भएको सम्झौता नवीकरण गरिएको छ ।
बैंकले निम्न आयस्तर भएका महिलाहरुलाई प्रतिव्यक्ति बीस हजासम्म उपचारका लागि सहयोग उपलब्ध गराउँदै आएकोमा सो सम्झौता पुनः नवीकरण गरिएको हो । सानिमा बैंकले प्रत्येक “नारी बचत खाता”बापत बैंकको तर्फबाट मासिक १ रुपैयाँको दरले नारी सामाजिक कोषमा रकम जम्मा गर्दैै आएकोे छ । उक्त संकलित रकम नारी उत्थानका लागि खर्च गर्ने उद्देश्यले नै बैंकले पाटन अस्पतालसँग यो सम्झौता पुनः नवीकरण गरेको जनाएको छ ।
उक्त सम्झौतापत्रमा सानिमा बैंकका प्रमुख कार्यकारी अधिकृत भुवनकुमार दहाल र पाटन अस्पतालका निर्देशक प्रा.डा. रवि शाक्यले हस्ताक्षर गरेका छन् ।