काठमाडौं । कोरोनाका कारण निर्माण समय धकेलिएको निर्देशक प्रदीप भट्टराईको चलचित्रमा हरिवंश आचार्य र मदनकृष्ण श्रेष्ठ फाइनल भइसकेका छन् । चलचित्रको स्क्रिप्टका विषयमा पनि निर्देशक तथा स्क्रिप्ट राइटर भट्टराईले हरिवंशसँग बसेर सुझाव लिइसकेका छन् । अहिले उनीहरु स्क्रिप्ट फाइनल गरिरहेका छन् । 

यो चलचित्र वैशाखको दोस्रो हप्ताबाट छायांकनमा जाने निर्माता रवीन्द्रसिंह बानियाँ बताउँछन् । उनका अनुसार महजोडी बाहेक बाँकी कलाकार कसलाई लिने तय भइसकेको छैन । 

मुख्य महिला कलाकारमा कसलाई लिने फाइनल नभए पनि सर्ट लिस्ट गरेको र त्यसैबाट अडिसनमा लिने बानियाँ बताउँछन् ।

म्युजिक भिडियो, टिकटक अथवा सिनेमाकै केही कलाकारलाई सर्ट लिष्ट गरेको र उनीहरुबीचमा अडिसन गराएर जो उपयुक्त हुन्छ, उसैलाई अनुबन्ध गराउने बानियाँको भनाइ छ ।