काठमाडौं । पछिल्लो चौबीस घण्टामा कोरोनाका कारण एकजनाको मृत्यु भएको छ । मन्त्रालयको कोभिड १९ संकट व्यवस्थापन केन्द्र (सीसीएमसी) का अनुसार थप ६१९ जनाको मृत्यु भएको छ ।
मन्त्रालयका प्रवक्ता डा. जागेश्वर गौतमका अनुसार हालसम्म मृत्यु पुष्टि नभएकाको संख्या सीसीएमसीले आज यकिन गरेको हो । योसँगै नेपालमा कोरोनाका कारण मृत्यु हुनेको संख्या दुई हजार ६८४ पुगेको छ । गएको चौबीस घण्टामा तीन हजार ६९२ जनाको पीसीआर परीक्षण गरिएकामा ९४ जनाको नतिजा पोजेटिभ आएको छ ।
योसँगै नेपालमा कोरोना संक्रमितको संख्या दुई लाख ७३ हजार ७६० पुगेको छ । त्यस्तै चौबीस घण्टामा ७१ जना संक्रमणमुक्त भएका छन् । योसँगै देशमा कोरोनामुक्त हुनेको संख्या दुई लाख ७० हजार १३९ पुगेको छ ।
हाल क्वारेन्टिनमा ६३ जना छन् भने आइसोलेसनमा एक हजार ९३७ जना रहेको स्वास्थ्य तथा जनसंख्या मन्त्रालयले जनाएको छ ।