काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूहका अध्यक्ष पुष्पकमल दाहाल ‘प्रचण्ड’ले केही दिनमा संसद् पुनःस्थापना हुने विश्वास व्यक्त गरेका छन् ।
मंगलबार मजदुर बलिदान दिवस तथा अभिनन्दन कार्यक्रममा बोल्दै उनले अदालतमा बहस सकिएर हेर्दाहेर्दैमा रहेकाले कुनै पनि बेला फैसला हुने बताए ।
“मलाई विश्वास छ, भोलि, पर्सि, निपर्सिसम्म सर्वोच्च अदालतले यो संविधानमाथि गरिएको घातलाई सच्याउने छ । र, संसद् पुनःस्थापित हुनेछ । हामी त्यहीबाट नयाँ कानुन बनाउने जनताको हक, अधिकार स्थापति गर्ने मौलिक अधिकार संविधानामा लेखिएको छ । तर, केपी ओलीको सरकारले लागु गरेको छैन । हामी त्यसलाई लागु् गर्नेछौँ,’’ उनले भने ।
प्रचण्डले देश फेरि संकटमा जाने हो कि भन्ने खतरा उत्पन्न भएको बताए । उनले विगत दुई महिनायता आफूहरु शान्तिपूर्ण युद्धमा रहेको भन्दै त्यसलाई जित्नैपर्ने धारणा राखे ।