एक महिनाअघि सामसङ ग्यालेक्सी एस २१ को प्रिबुकिङ खुला गरेका थियौँ । कोभिड–१९ परिस्थितिबाट बजार भर्खरै माथि उठ्दै गरेको थियो । मोबाइल बजार पनि सुस्त नै थियो । केही प्रभाव पर्ला कि भन्ने पिर थियो ।

तर, एस २१ सिरिजको प्रिअर्डर नम्बर एकदमै राम्रो आयो, सोचको भन्दा राम्रो र विगतका वर्षमा एस सिरिजको फोनमा हुने अर्डरभन्दा राम्रो आयो । एस सिरिज भनेपछि नयाँ इन्नोभेसन बजारमा भित्र्याउने फोन भनिन्छ । सामसङको फ्ल्यागसिप डिभाइस सबैभन्दा बेस्ट भन्ने सन्देश पुगेको छ । यसले उपभोक्तामा प्रतीक्षा थियो । लञ्च भएपछि राम्रो प्रतिक्रिया पायौँ ।

एस २१ भनेपछि कम्पनीको फ्ल्यागसिप डिभाइस हो । सामसङ आफैँ विश्वव्यापी रूपमै प्रविधिको रिसर्च र विकासका लागि सबैभन्दा बढी लगानी गर्ने कम्पनी हो ।

मोबाइल उद्योग भनेकै इन्नोभेसनको आधार हो । प्राथमिकता पनि ग्राहकले जे खोज्छन्, त्यही हुने गरेको छ, मोबाइल उद्योगको । एस २१ ले उपभोक्ताको सोचअनुसार इन्नोभेसन आत्मसात गरेकैले एस २१ एकदमै रुचाइएको छ । एस २० भन्दा २१ एक वर्षपछि लञ्च भएको हो । प्रविधिक रूपमा एस २१ निकै परिस्कृत बनेर आएको छ ।

एस २१ को तीन पक्ष विशेष छन् । पहिलो हो, स्क्रिन । एस २१ वा तीनवटा स्क्रिन साइजमा लञ्च गरेका छौँ । उपभोक्ताले आफ्नो आवश्यकता, चाहना र क्षमताअनुसार एस २१, एस २१ प्लस र एस २१ अल्ट्रा किन्न सक्नुहुन्छ ।

तीनैवटा डिभाइसमा इन्फिनिटी डिस्प्ले दिइएको छ । जसले गर्दा एज–टु–एज स्क्रिन पाउन सकिन्छ । हामीले डाइनामिक २ एक्स एमोलेड डिस्प्ले दिएका छौँ । यसले फोनको पिक्चर क्वालिटी मोबाइल उद्योगकै सर्वोत्कृट बनाउँछ ।

सामसङ आफैँमा मोबाइल स्क्रिन उत्पादनमा ग्लोबल लिडर हो । हामीले लेटेस्ट डिभाइसमा त्यो उत्कृष्ट डिस्प्ले प्रयोग गर्नैप¥यो । यो स्क्रिन सबैभन्दा चम्किलो हो । १५०० निटको ब्राइनेस यो स्क्रिनमा छ ।

स्क्रिनको रिफ्रेस रेट अर्थात् फ्रिक्वेन्सी १२० हर्ज छ । टच स्याम्पलिङ रेट २४० हर्जको छ । यसले गर्दा फोनमा जुनसुकै गतिविधि गर्दा ल्याग हुँदैन । टच गर्नेबित्तिकै रेस्पोन्स गरिहाल्छ ।

दोस्रो हो, क्यामेरा । सामसङको क्यामेरा सबैभन्दा उत्कृष्ट हो भन्नै पर्दैन । हामीले एस २१ अल्ट्रामा १०८ मेगापिक्सेलको क्यामेरा दिइएको छ । यो क्यामेरामार्फत १०० गुणासम्म जुम गर्न सक्छौँ । अँध्यारो अवस्थामा पनि उज्यालो फोटो यसले खिच्न सक्छ । फोनले खिचेका फोटो लो नोइज अर्थात् डिस्टोर्सन नभएका हुन्छन् ।

तेस्रो पक्ष हो, प्रोसेसर अर्थात् मोबाइलको मुटु । एस २१ मा एक्जोनस २१०० भन्ने ५ एनएमको प्रोसेसर दिइएको छ । यो प्रोसेसर यसअघिका तुलनामा बढी इफिसियन्ट र शक्तिशाली हो । यसले गर्दा सामसङका उपभोक्तको नयाँ प्रविधि अंगीकार गर्न चाहने बानीलाई सजिलो बनाएको छ । एस सिरिज मन पराउने मोबाइलप्रेमी त झनै उत्साहित भएका छन् । यही कारणले फोनको माग अपेक्षा गरेभन्दा राम्रो माग पाएका छौँ ।

यी पक्षलाई अलि विस्तारमा हेरौँ ।
फोनमा विभिन्न ग्राउन्ड ब्रेकिङ फिचर छन् । ग्यालेक्सी एस २१ तथा एस २१ प्लसमा प्रो–ग्रेड क्यामरा तथा नयाँ एस २१ अल्ट्रामा उपल्लो तहका विशेषता छन् । फोनमा एस सिरिजअन्तर्गत पहिलोपटक एस पेन पनि दिइएको छ ।

आकर्षक डिजाइन एवं स्टाइल
ग्यालेक्सी एस २१ सिरिजले वास्तवमै एक नयाँ डिजाइन र बोल्ड नयाँ शैली प्रदान गरेर अरु स्मार्टफोनभन्दा पृथक बन्न पुगेको छ । एस २१ सिरिजका सबै तीन स्मार्टफोन आइकनिक डिजाइनको साथ बोल्ड एवं स्ट्राइकिङ एस्थेटिक्सको साथ उपलब्ध छ ।

ग्यालेक्सी एस २१ अल्ट्रामा विशेष रूपमा कम्प्याक्ट ६.८ इन्च डिस्प्लेको प्रदान गरिएको छ । यसले इन्टलिजेन्ट, एज टु एज डाइनामिक एमोलेड २ एक्स इन्फिनिटी ओ डिस्प्ले, सहज स्क्रोलिङ तथा उत्कृष्ट दृश्यावलोकनको लागि एडाप्टिभ १२० हर्ज रिफ्रेस रेट तथा क्वाड एचडीप्लस डिस्प्ले रहेको छ । तीनै फोनमा आँखालाई थकान अनुभव नहुने विशेष आइ कम्फर्ट सिल्ड पनि छ ।

यी फोनमा लुक्स एवं जीवन्त अनुभवका लागि उत्कृष्ट फिनिसिङ गरिएको छ । आकर्षक, आँखालाई लोभ्याउने खालको नयाँ सिग्नेचर कलर, फेन्टम भ्वोइलेट रङ समायोजन गरिएको छ । एस २१ अल्ट्राले पनि परिष्कृत एवं टाइमलेस लुक्सलाई समेटेको छ । यसका फेन्टम ब्ल्याक र फेन्टम सिल्भर गरी दुई रङहरु मा उपलब्ध छन् ।

उत्कृष्ट एवं जीवन्त क्यामरा एवं भिडियो अनुभव
सबै नयाँ ग्यालेक्सी एस २१ सिरिजले सामसङको क्यामरा हेरिटेजलाई प्रोग्रेड क्यामरा तथा भिडियो आविष्कारको साथ अगाडि बढाएको छ ।  जसले प्रत्येक सटहरु विशेष सटका रूपमा लिन मद्दत गर्दछ ।

ग्यालेक्सी एस २१ र ग्यालेक्सी एस २१ प्लस एआईद्वारा सञ्चालित ट्रिपल–लेन्स प्रो–ग्रेड क्यामेराको साथ उपलब्ध छ, जसले रचनात्मक नियन्त्रण प्रदान गर्दछ । एआई सञ्चालित क्यामेराले विषयवस्तुलाई सहज रूपमा आँकलन गर्दछ र दृश्यअनुसार आफूलाई समायोजन गर्दछ र प्रयोगकर्ताहरूलाई जस्तोसुकै अवस्थामा पनि सही सट लिने स्वतन्त्रता प्रदान गर्न मद्दत गर्दछ । यो सुधारिएको स्पेस जुम फिचरको साथ पनि उपलब्ध छ, जुन हल्लिएको हातहरूको असरलाई न्यून गर्दछ र ३० एक्सको जुमको साथ स्पष्ट फोटो खिच्ने स्वतन्त्रता प्रदान गर्दछ ।

एस २१ अल्ट्रा सबभन्दा उन्नत प्रोग्रेड क्यामेरा सिस्टमका साथ उपलब्ध छ, यसले  जस्तोसुकै  प्रकाशको अवस्थामा पनि स्टुडियोको जस्तै गुणस्तरीय तस्बिरहरू क्याप्चर गर्न सकिन्छ । यसमा क्वाड रियर क्यामेरा (अल्ट्रा–वाइड, वाइड र डुअल टेलि–लेन्सहरू) उपलब्ध रहेको छ । जुन अपग्रेड गरिएको १०८ एमपी प्रोसेसरको साथ आउँदछ, जसले ६४ गुणा स्पष्ट कलरहरुको साथ १२ विट एचडीआर फोटो तथा तीन गुणा वाइडर डाइनामिक रेन्जमा फोटो खिच्न सक्दछ । एस २१ अल्ट्रा १०० एक्स स्पेस जुुमको साथ पनि आउँदछ, जुन सामसङको पहिलो ड्युअल–टेलि लेन्स सिस्टमद्वारा सञ्चालित हो । यसमा भएको इन्प्रुभ्ड ब्राइट नाइट सेन्सरले प्रयोगकर्तालाई कम लाइटको अवस्थामा पनि उत्कृष्ट एवं उच्च गुणस्तरीय फोटो खिच्न सकिन्छ ।

यस सिरिजमा सामसङको आफ्नै अत्याधुनिक प्रोसेसर इन्जनस २१०० को प्रयोग गरिएको छ । नयाँ ग्यालेक्सी एस २१ सिरिज स्मार्टफोनले प्रयोगकर्तालाई नेक्स्ट जेनेरेसन कार्यक्षमता प्रदान गर्दछ । जसले प्रयोगकर्ताहरूलाई सम्पूर्ण ग्यालेक्सी इकोसिस्टममा पहुँच प्रदान गर्दछ । यस फोनमा अत्याधुनिक चिपसेट तथा  स्पिड इफिसियन्सीको समायोजन गरिएको छ । यसले फाइभजी कनेक्सन तथा अन डिभाइस एआईलाई सपोर्ट गर्दछ । त्यसैले फोटो प्रोसेस, डप भिडियो रेकर्ड तथा गेमिङ म्याराथोन तथा इडिट भिडियोजस्ता काम सजिलै गर्न सकिन्छ ।

उत्कृष्ट कार्यक्षमता एवं प्रोडक्सन
नयाँ एस २१ सिरिजले वास्तवमै नयाँ कार्यक्षमताका साथ सहजै कनेक्ट गर्न सक्दछ । यस फोनमा हाल सम्मकै अत्याधुनिक चिपसेटको प्रयोग गरिएको छ, जसले गर्दा स्पीड र इफिसियन्सीको उत्कृष्ट तालमेल भएको छ । यस फोनमा भएको यस्ता सुविधाले फोटोलाई प्रोसेस गर्न, भिडियो खिच्न तथा इडिट गर्न तथा गेमिङ म्याराथोनको मज्जा लिन सकिन्छ ।

त्यसैगरी, एस २१ अल्ट्रा फोनमा उच्चस्तरीय ५ एनएम नानो चिपसेटको समायोजन गरिएको छ । यसले गर्दा उत्कृष्ट कम्प्युटिङ क्षमता, उच्चस्तरीय इनर्जी इफिसियन्सी तथा उच्चस्तरीय स्पिड प्राप्त गर्न सकिन्छ । एस २१ फोनलाई ३० मिनेटमा ५० प्रतिशत चार्ज गर्न सकिन्छ ।

सामसङको नक्स भल्टद्वारा अझै सुरक्षित गरिएको छ । यसमा आफ्नै सेक्युरिटी प्ल्याटफर्म, टेम्पर रेजिस्टेन्ट सेक्युएर मेमोरी, सामसङ नक्स भल्टले एस २१ लाई  अतिरिक्त सुरक्षा प्रदान गरेको छ ।

एस २१ सिरिजमा प्रयोगकर्ताको व्यक्तिगत तथ्यांक सुरक्षाको लागि नयाँ टुल्सहरुको प्रयोग गरिएको छ । एस २१ सिरिजमा, प्रयोगकर्ताले अब सुरक्षित तरिकाबाट फोटोको मेटा डाटा लोकेसनलाई हटाउन सक्छन् । साथै, एस २१ मा भएको प्राइभेट सेयर फंक्सनले प्रयोगकर्तालाई पठाएको कन्टेन्ट कति समयसम्म एक्सेस गर्न दिने हो, त्यो तय गर्न पनि सकिन्छ ।

नेपाली बजारको मोबाइल माग
डिजिटल युगमा मोबाइलको प्रयोग बढ्दो छ । कोभिडले गर्दा यो गतिलाई झनै बढाइदियो । १० वर्षमा हुने वृद्धि एकै वर्षमा भयो । उदाहरण, म आफैँ हुँ । मेरी छोरी घरै बसेर एउटा कक्षा उत्तीर्ण गर्लिन् भन्ने मैले सोचेको थिइनँ ।

उसको कक्षा ५ घरै बसेर पढिन् । उजस्तै धेरै नानीबाबु घरै बसेर पढे । यो परिस्थितिले हरेर बच्चाका लागि एउटा स्मार्टफोनको आवश्यकता जन्माइदियो । यो परिवर्तन नेपाली समाजमा यसअघि कहिल्यै आएको थिएन । यस्तो कल्पना पनि गरिएको थिएन । फोन वा ल्यापटप, इन्टरनेट जडान हरेक परिवारका लागि अनिवार्य नै भयो ।

अफिसका काम पनि घरै बसेर गरियो । म आफैँले पनि पाँच महिना अफिसको काम घरैबाट गरेँ । वर्क फ्रम होम भन्ने विदेशको कन्सेप्ट नेपालमा लागु भयो । नेपालमा त सोचेकै थिएनौँ । यसले फोनको माग ह्वात्तै बढाएको हो । डिजिटाइजेसनमा जानका लागि प्रमुख हार्डवेयर मोबाइल फोन नै बनेको छ ।

आम नेपालीको आवश्यकता, रोजाइ र सामसङका फोन
एस २१ अहिलेको बजारमा टेक्नोलोजिकल्ली सर्वोत्कृष्ट फोन हो । यसको आफ्नो छुट्टै उपभोक्ता छन् । एस सिरिजका कस्टुमर लोयल कस्टुमर हुनुहुन्छ । उहाँहरु एस सिरिजभन्दा अन्यमा जान रुचाउनु हुन्न । सामसङको २५०० रुपैयाँ पर्ने बार फोन पनि छ । उपभोक्ताको मागअनुसार फोन निर्माण गर्ने सामसङको फोनको रेन्जले हरेक रेन्जमा माग उत्तिनै रहेको देखिन्छ ।

एस २१ भन्दा परिस्कृत फोन पनि हामीले बजारमा ल्याएका छौँ । जेड फोल्ड २ नाम गरेको फोल्ड फोन थियो, त्यो । यसअर्थमा हामीले २५ सयदेखि साढे २ लाखसम्मको फोन बेच्ने गरेका छौँ । सबै फोनमा उत्ति नै माग छ । नेपाली उपभोक्ता प्रविधि एकदमै रुचाउँछन् । सामसङले जो उपभोक्तालाई जस्तो फोन चाहिन्छ, उसलाई सोहीअनुसारको फोन उपलब्ध गराउँछ ।

बार फोन सामसङको किन्न पायो । सस्तो स्मार्टफोन, मिडल रेन्जका फोनदेखि फ्ल्यागसिप र प्रिमियम फोन सामसङले उपलब्ध गराउने गरेको छ । हरेक सेग्मेन्टको आफ्नै कस्टुमर छन् । नेपालजस्तो विकासोन्मुख राष्ट्रमा आयको स्तर हेर्दा इन्ट्रि लेभलकै फोनको माग बढी छ ।

डिमान्ड हरेक सेग्मेन्टको बढेको छ । तर, कस्टुमर पनि अपग्रेड हुनुभएको छ । हिजो सानो वा बेसिक डिभाइस खोज्ने आज त्योभन्दा केही परिस्कृत फोन खोज्न थाल्नुभएको छ । धेरै काम मोबाइलबाट गर्न सक्ने अवस्था सिर्जना हुनुले ।

एस २१ मा सुरक्षा र खरिदको सुविधा
ठूलो फोन भन्दैमा जोखिम बढी हुन्छ । यहीकारण कम्पनीले सबैभन्दा कडा तथा नफुट्ने गोरिल्ला ग्लास हेक्टस प्रयोग गरेको छ । यो सिरिजमा आईपी ६८ ले गर्दा वाटर रेजिस्टेन्ट बनाउँछ । डेढ मिटर गहिराइमा फोन ३० मिनेटसम्म बस्दा यसमा पानी पस्दैन ।

यस्तै, फोनमा एक वर्षको ब्रेकेज इन्स्योरेन्स दिइएको छ । फोन केही भइहाले सामान्य प्रक्रियागत शुल्क तिरेर फोन मर्मत गर्न सकिन्छ । ग्राहकलाई खरिद सुविधा दिन देशका वाणिज्य बैंकमार्फत एस २१ फोन किन्नका लागि शून्य ब्याजदरमा कर्जा लिन सकिन्छ ।

कोभिड परिवेशपछि धेरै उपभोक्ता राम्रो फोन किन्न थालेको पाएपछि यस्तो सुविधा विस्तार गरेका हौँ । एस २१ किन्ने इच्छा भएर पैसा नहुनेका लागि यो सुविधा दिइएको हो । सुविधाअन्तर्गत कम्तीमा ९ हजार २ सय रुपैयाँको १२ किस्ता ग्राहकले तिर्नुपर्ने हुन्छ ।

यस्तै, ग्राहकहरूले अब आफ्नो पुरानो फोनलाई एस २१ सँग साट्दा फोनको मूल्यांकनसहित थप तीन हजार रुपैयाँ अतिरिक्त लाभ लिन पाउनेछन् । एक वर्षको लागि वन टाइम ब्रेकेजअन्तर्गत एकपटक ब्रेकेज बिमा एनएलजी इन्स्योरेन्स कम्पनीमार्फत प्राप्त गर्न सकिन्छ ।

ग्यालेक्सी २१ अल्ट्रा (१२ जीबी + २५६ जीबी) को मूल्य १ लाख ५४ हजार ९९९ रुपैयाँ तोकिएको छ । त्यस्तै एस २१ प्लस (८ जीबी + २५६ जीबी) को मूल्य १ लाख २९ हजार ९९९ र एस २१ (८ जीबी + २५६ जीबी)को मूल्य १ लाख ९ हजार ९९९ रुपैयाँ तोकिएको छ ।

नेपाली बजारमा ग्रे फोनबारे
लकडाउनपछि मोबाइल बजार विस्तार भएको छ । जसको कारण आवश्यकता बढ्नु नै हो । सँगसँगै मोबाइल बजारमा ग्रे बजार कम भएको छ । त्यसको कारण अन्तर्राष्ट्रिय सीमानाका बन्द हुनु हो । बोर्डर खुलेसँगै त्यो बढ्न सक्छ ।

यसबीचमा वैधानिक आयात पनि बढेको हो । किनकि, पहिलाजस्तो चोरी–पैठारी कम छ । ग्रे बजार नियन्त्रण गर्न राज्यपक्षबाटै पहल भइरहेकै छ । त्यसलाई चाँडै नै कार्यान्वयनमा ल्याउन जरुरी छ । ग्रे बजारमा उपभोक्ता, व्यवसायी र राज्यपक्ष, सबैलाई घाटा छ । सरकारका लागि राजस्व, व्यवसायीलाई बिजनेस र उपभोक्तालाई गुणस्तरमा कमी हुन्छ ।