काठमाडौं । प्रतिनिधिसभा विघटनको विरोधमा नेपाल कम्युनिस्ट पार्टी (नेकपा) पुष्पकमल दाहाल प्रचण्ड-माधवकुमार नेपाल समूहले काठमाडौंको टुँडिखेललाई मानव साङ्लोले घेरेको छ ।
प्रधानमन्त्री केपी शर्मा ओलीले पुस ५ गते गरेको प्रतिनिधिसभा विघटनको विरोधमा प्रचण्ड–माधव समूहको नेकपाले तीन चरणका विरोध तथा संघर्षका कार्यक्रम सम्पन्न गरिसकेको छ । चौथो चरणको संघर्षको कार्यक्रमअन्तर्गत बिहीबार काठमाडौंको टुँडिखेललाई मानव साङ्लोले घेरेर प्रतिनिधिसभा विघटनको असंवैधानिक कदमको विरोध गरेको हो । नेकपा प्रचण्ड-माधव समूहका स्थायी कमिटी सदस्य तथा केन्द्रीय संघर्ष समितिका सह-संयोजक योगश भट्टराईले प्रतिगमन तथा असंवैधानिक कदमविरुद्ध टुँडिखेलमा मानव साङ्लोले घेरिएको बताए ।
मानव साङ्लोमा नेकपाका नेता, कार्यकर्ताको उपस्थिति थियो । कार्यक्रममा प्रतिनिधिसभाको असंवैधानिक कदम खारेज गर, भ्रष्टाचारीलाई कारबाही गर, बलात्कारीलाई कारबाही गर, प्रतिगमन मुर्दावादलगायत विभिन्न प्लेकार्ड तथा ब्यानरहरु प्रस्तुत गरिएका थिए भने नेता कार्यकर्ताहरुले पार्टीको झन्डा र सुर्य चिह्न पनि बोकेका थिए ।
-हेरौं थप तस्बिर :
