काठमाडौं । अर्लिङ हालाण्ड जर्मन क्लब बोरुसिया डर्टमण्डले च्याम्पियन्स लिग फुटबल अन्तर्गत अन्तिम १६ को पहिलो लेगमा सहज जित निकालेको छ । बुधबार राति भएको पहिलो लेगमा डर्टमण्डले स्पेनिस क्लब सेभियालाई ३–२ गोल अन्तरले पराजित गरेको हो ।

घरेलु मैदानमा भएको खेलको सातौं मिनेटमा सुसोले गोल गर्दै सेभियालाई अग्रता दिलाएका थिए । महमुदले १९ औं मिनेटमा डर्टमण्डका लागि बराबरी गोल फर्काए । 

२७ औं मिनेटमा हालाण्डले गोल गर्दा डर्टमण्डले २–१ गोलको अग्रता बनाएको थियो । 

४३ औं मिनेटमा हालाण्डले व्यक्तिगत दोस्रो गोल गर्दै पाहुना टोलीको अग्रता ३–१ बनाए । ८४ औं मिनेटमा सेभियाका लागि लुक डी जोङले गोल फर्काए पनि डर्टमण्ड ३–२ ले विजयी भयो ।

दुई टोलीबीचको दोस्रो लेग मार्च ९ मा डर्टमण्डको मैदानमा हुनेछ ।