काठमाडौं । काठमाडौं महानगरपालिकाले आज प्रजातन्त्र दिवसको अवसरमा दरबारमार्गमा सांस्कृतिक महोत्सव गर्ने भएको छ । आज साँझ पाँच बजेदेखि कार्यक्रम सुरु हुने महानगरले जनाएको छ ।
काठमाडौं महानगरपालिकाका प्रमुख प्रशासकीय अधिकृत राजेश्वर ज्ञवालीले प्रजातन्त्र दिवसको पूर्वसन्ध्यामा दरबारमार्गमा सांस्कृतिक महोत्वसव गर्न लागेको बताए । ‘‘पहिलो प्रस्तुति नेपाली सेना र नेपाल प्रहरी सशस्त्र प्रहरीको रहेनेछ,” उनले भने, ‘‘त्यसपछि क्रमशः पप गायक सविन राई, आधुनिक गायक मिलन नेवार लोक तथा आधुनिक गायक प्रकाश सपुत र प्रीति आले, लोक गायक अञ्जु पौडेलले आआफ्नो प्रस्तुति देखाउनेछन् ।” ज्ञवालीले नेपाली संस्कृतिको जगेर्ना गर्ने उदेश्यले महोत्सव आयोजना गर्न लागिएको बताए ।
महोत्सवमा उपप्रधानमन्त्री ईश्वर पोख्रेल, गृहमन्त्री रामबहादु थापा वादल, काठमाडौं महानगरपालिकाका प्रमखु विद्या सुन्दर शाक्यलगायतको उपस्थिति रहने छ ।
