देश
काठमाडौं । काठमाडौं महानगरपालिकाको सहयोगमा ‘क्षेत्रपाटी निःशुल्क चिकित्सालय’ को भवनमा लिफ्ट जडान गरिएको छ ।
२०१३ सालमा स्थापना भएको चिकित्सालयमा महानगरले ३० लाख रुपैयाँबाट लिफ्ट जडान गरिएको हो । लिफ्ट जडानमा ४५ लाख रुपैयाँ लागे पनि थप रकम भने चिकित्सालय स्वयंले बेहोरेको छ ।
चिकित्सालयका अध्यक्ष मनोजमान श्रेष्ठले नाक, कान घाँटी, दाँत, मुटु रोगलगायत जटिल खालका रोगमा विशेषज्ञ सेवा दिइरहेको बताए । ‘‘चिकित्सालयमा अहिले २५ शय्या छन् । ती बेडहरु माथिल्लो तलामा भएकाले सेवा प्रवाहमा कठिनाइ थियो,” उनले भने, ‘‘लिफ्ट जडानसँगै सेवा सहज हुने अपेक्षा लिएका छौं ।”
प्रकाशित मिति: बुधबार, फागुन ५, २०७७ १९:१२
प्रतिक्रिया दिनुहोस्