काठमाडौं ।  बैतडीको दोगडागेदारको स्थानीय सनातन धर्म माविमा कक्षा १२ मा पढ्ने भागरथी भट्टको हत्या आरोपमा एकजना युवा पक्राउ परेका छन् ।

हत्यामा संलग्नताको आरोपमा पक्राउ परेका युवा भागरथीको हत्याको विरोधमा भइरहेका आन्दोलनमा नै सहभागी हुने गरेका थिए ।
आन्दोलनकै क्रममा पनि प्रहरीले उनीमाथि निगरानी बढाएको थियो ।

परिवार र आफन्तले पनि उनीविरुद्ध आशंका गर्दै आएका थिए ।

पक्राउ परेका युवा पनि भट्ट थरकै आफन्त रहेको खुलेको छ । उनीहरुबीच पारिवारिक झगडा रहेको र हत्याको एउटा कारण त्यो पनि हुन सक्ने प्रहरीले जनाएको छ ।