काठमाडौं । राष्ट्रपति विद्यादेवी भण्डारी, प्रधानमन्त्री केपी ओली, विभिन्न राजनीतिक दलका शीर्षस्थ नेताहरू शेरबहादुर देउवा, पुष्पकमल दाहाललगायत नेताहरुलाई विवेकशील पार्टीले पासपोर्ट उपहार दिएर अधिनायकवादविरुद्धको प्रदर्शन गरेको छ ।
मुख्य नेतृत्वमा रहेका राजनीतिक दलका नेताहरुको गैर जिम्मेवारपूर्ण व्यवहारले नागरिकहरुमा निरन्तर सामूहिक नैराश्यता छरेको र युवाहरु विदेशिन बाध्य भएर पासपोर्ट लिने लाइनमा बस्नुपरेको, मुख्य राजनीतिक दलका प्रमुख नेताहरुकै अकर्मण्यताको कारण देशको अर्थतन्त्रसँगै पासपोर्ट पनि निरन्तर कमजोर बनेको र ४० वर्ष भन्दामुनिका महिलालाई विदेश जाँदा वडा र परिवारको सिफारिस अनिवार्य गर्न गरेका विषयको विरोधमा पासपोर्ट उपहार दिएर प्रदर्शन गरेको विवेकशील पार्टीका नेता छिरिङ तामाङले बताए ।
अधिनायकवादविरुद्धको दोस्रो चरणको आन्दोलनको स्वरुपमा विवेकशील दलले हरेक सोमबार र बिहीबार बिहान साढे १० बजे माइतीघरमा प्रदर्शन गर्दै आएको अभियानका संयोजक शशिविक्रम कार्कीले विज्ञप्तिमार्फत जनाएका छन् ।