काठमाडौं । चार पूर्वप्रधानन्यायाधीशले सर्वोच्च अदालतमा आफैं उपस्थित भएर अदालतको अवहेलनामा लिखित जवाफ पेस गरेका छन् ।
पूर्वप्रधानन्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्की आफैं लिखित जवाफ लिएर आज सर्वोच्च अदालत पुगेका थिए ।
न्यायाधीश मनोजकुमार शर्माको एकल इजलासले माघ १५ गते अवहेलना मुद्दामा आफैं जवाफ पेस गर्न आदेश जारी गरेको थियो । चार पूर्वप्रधानन्यायाधीशले प्रतिनिधिसभा विघटनका विषयमा जारी गरेको संयुक्त विज्ञप्तिलाई लिएर अदालतको अवहेलना भएको भन्दै रिट दायर भएको थियो ।
रिट निवेदकको मागबमोजिम अवहेलनामा कारबाही किन हुनु नपर्ने हो भन्नेबारे लिखित जवाफ माग भएको थियो । पूर्वप्रधानन्यायाधीश रायमाझी, श्रेष्ठ र कार्कीले संयुक्त जवाफ पेस गरेका छन् भने शर्माले अलग्गै जवाफ पेस गरेका छन् ।
यस्तो छ लिखित जवाफ :