काठमाडौं । प्रधानमन्त्री केपी शर्मा ओलीले नेता माधवकुमार नेपालप्रति खरो टिप्पणी गरेका छन् ।
प्रधानमन्त्रीका तीनवर्षे कार्यकालको समीक्षाका लागि सिंहदरबारमा भएको कार्यक्रमलाई सम्बोधन गर्दै प्रधानमन्त्री ओलीले माधव नेपालतर्फ संकेत गर्दै भने, “निर्वाचनबाट पराजित हुने जस्केलाबाट छिरेर प्रधानमन्त्री हुने ? विगतका ति कुराहरुलाई सम्झिकन त्यो अस्वस्थ क्रियाकलापको ढोका सधैँका लागि बन्द गर्नु आवश्यक थियो ।”
उनले पार्टी कमजोर बनाउने अपराधपूर्ण काम गरिएको भन्दै आलोचना गरे ।
“त्यस्ता आकांक्षाका लागि अनुचित हर्कत गर्नु त्यो अलोकतान्त्रिक हो । जनताका बीचमा जानु अलोकतान्त्रिक होइन । पार्टीमा आन्तरिक प्रतिष्पर्धा हुन्छ । पराजित भएपछि एक अवधिसम्म त्यस पराजयलाई स्वीकार्नुपर्छ । विजयी हुनेलाई सहयोग गर्नुपर्छ त्यो आफू पराजित भएको ठाउँ नै चाहियो भन्ने ? नभए विभिन्न प्रकारका समीकरण गर्ने ?”
