काठमाडौं । प्रिमियर लिग फुटबलमा साविकको विजेता  लिभरपुल पराजित भएको छ  । लिभरपुलमाथि  लेष्टर सिटीले सादार जित निकालेको हो ।  शनिबार भएको खेलमा लेष्टर लिभरपुललाई ३-१ गोल अन्तरले पराजित गर्दै दोस्रो स्थानमा उक्लेको छ  ।  घरेलु मैदानमा लेष्टरलाई जित दिलाउन जेम्स म्याडिसन, जेमी भर्डी र हार्भे बर्नेसले एक एक गोल गरे ।

लिभरपुलका मोहमद सलाहले एक गोल फर्काए । पहिलो हाफ गोलरहित बराबरीमा सकिएको खेलको दोस्रो हाफमा लेष्टरले ३ गोल गरेको हो । खेलको ६७ औं मिनेटमा सलाहले गोल गर्दै लिभरपुललाई अग्रता दिलाएका थिए । ७९ औं मिनेटमा जेम्सले लेस्टरका लागि बराबरी गोल फर्काए । ८१ औं मिनेटमा भार्डीले गोल गर्दै लेष्टरलाई २-१ को अग्रता दिलाए ।

८५ औं मिनेटमा बर्नेसले गोल गर्दै लेष्टरलाई ३-१ को जित दिलाए । जितसँगै लेष्टर लिगको दोस्रो स्थानमा उक्लिएको छ  । लेष्टरले २४ खेलमा ४६ अंक जोडेको छ । लिभरपुल ४० अंक जोडेर चौथो स्थानमा छ ।