खेल
काठमाडौं । आर्मी फुटबल क्लबले राष्ट्रिय महिला लिग फुटबलमा जित निकालेको छ । मंगलबार भएको खेलमा आर्मीले वालिङ नगरपालिकालाई २–० गोल अन्तरले पराजित गरेको हो । सातदोबाटोस्थित एन्फा कम्प्लेक्समा भएको खेलमा आर्मीलाई जित दिलाउन शर्मिला थापा र विमला चौधरीले एक–एक गोल गरिन् ।
खेलको पहिलो मिनेटमै शर्मिलाको गोलबाट आर्मीले अग्रता बनाएको थियो । ४३ औं मिनेटमा विमलाले गोल गर्दै आर्मीलाई २–० को जित दिलाईन् ।
जितसँगै आर्मीले ८ खेलमा १९ अंक जोडेको छ । आर्मी लिगको दोस्रो स्थानमा रहेको छ । वालिङ ८ खेलमा ११ अंक जोडेर तेस्रो स्थानमा छ ।
प्रकाशित मिति: मंगलबार, माघ २७, २०७७ १७:२८
प्रतिक्रिया दिनुहोस्