काठमाडौं । प्रधानमन्त्री केपी शर्मा ओलीले आजको सभा ‘कास्टिङ’ मात्रै भएको बताएका छन् । केहीअघिको कार्यक्रममा उनले आज कास्टिङ देखाउने बताएका थिए ।
शुक्रबार नारायणहिटीअगाडि आयोजित सभामा बोल्दै उनले जनतालाई दुःख दिने मनसाय नभएको भन्दै क्षमा पनि मागे ।
“हामीले दुःख दिन खोजेको होइन । यो कास्टिङको रूपमा हो । काठमाडौंका सडकभरमा स्क्रिन राखेर सभा गर्नुपर्ने स्थित आउन सक्छ । १ गते बुटवलमा देखाउने छौँ । ८ गते विराटनगरमा अर्को सभा हुनेछ,’’ उनले भने ।
आलोचना गर्नेहरुलाई मन थाम्न गर्न आग्रह गर्दै ओलीले भने, “हेर्दै जानुस्, नेपाल कता जान्छ । नेपाललाई समाजवादउन्मुख हुनबाट, नेपाललाई सामाजिक न्यायसहित समानताको समृद्धिको देश बनाउनबाट कसैले रोक्न सक्दैन,’’ ओलीले भने ।
प्रधानमन्त्री ओलीले आजको सभामा काठमाडौंमा भएको अहिलेसम्मकै ठूलो सभा भएको जिकिर गरे ।
तस्बिरः हरिशजंग क्षेत्री/बाह्रखरी ।