देश
काठमाडौं । कोभिड–१९ विरुद्धको खोप लगाइसकेपछि हुने सामान्य असरबाट नडराउन र ढुक्क भएर खोप लिन स्वास्थ्य तथा जनसंख्या मन्त्रालयले आह्वान गरेको छ ।
मन्त्रालयले शुक्रबार एक भर्चुअल कार्यक्रम गर्दै नेपालमा अहिले प्रयोग भइरहेको कोभिसिल्ड खोप तीन चरणको परीक्षण पूरा भइसकेकाले ढुक्क भएर खोप लिन आह्वान गरेको हो ।
हल्का टाउको दुख्ने, खोप लगाएको ठाउँमा दुख्ने, रातो हुने, सामान्य टाउको दुखाइ र सामान्य ज्वरोजस्ता लक्षण खोपको सामान्य असर भएको खोपविज्ञ डा. अभियान गौतमले बताए । खोप लगाइसकेपछि पनि हात धुने, मास्क लगाउने र सामाजिक दूरी कायम राख्न डा. गौतमले सुझाव दिएका छन् ।
फाइल तस्बिर ।
प्रकाशित मिति: शुक्रबार, माघ २३, २०७७ १४:४६
प्रतिक्रिया दिनुहोस्