काठमाडौं । कैलाली, भक्तपुर, सर्लाही र काभ्रेमा चारजना मृत अवस्थामा फेला परेका छन् ।

कैलालीको गौरीगंगा नगरपालिका–२, महुन्याल टोल जब्दास्थित गोठको आँगनमा सोही ठाउँ बस्ने ७० वर्षीय रङ्गे औजी मृत अवस्थामा फेला परेका छन् ।

भक्तपुरको चाँगुनारायण नगरपालिका–८, सुडालस्थित ठूली ब्रम्हायणी मन्दिरमा सोही पाटीबाहिर बस्दै आएका हाल वतन र उमेर नखुलेको शंकर दास मृत अवस्थामा फेला परेका छन् ।

सर्लाहीको गोडैता नगरपालिका–१, बहादुरपुरस्थित लखनदेही खोलाको किनारमा हाल नाम, थर, वतन नखुलेका करिब ६० वर्षीय पुरुष मृत अवस्थामा फेला परेका छन् ।

काभ्रेपलाञ्चोकको चौरीदेउराली गाउँपालिका–७, मादनकुडारीस्थित खार्पा भिरको बाटोदेखि करिब ५० मिटर तल चौरीदेउराली–५, ढोकेडाँडा बस्ने ५९ वर्षीय नरहरि गौतम मृत अवस्थामा फेला परेका प्रहरीले जनाएको छ ।
प्रतीकात्मक तस्बिर ।