काठमाडौं । प्रचण्ड–नेपाल समूहले घोषणा गरेको आम हड्तालको प्रभाव काठमाडौं उपत्यकामा परेको छ । सडक सुनसान देखिएका छन् । अत्यावश्यक सेवाका सवारी साधनबाहेक निजी तथा सार्वजनिक सवारी साधन चलेका छैनन् ।
संवैधानिक आयोगहरुमा नियुक्तिको विरोध गर्दै नेकपा प्रचण्ड–माधव समूहले आज आम हड्ताल घोषणा गरेको छ ।
यसैबीच, गृह मन्त्रालयले प्रचण्ड–माधव समूहले आह्वान गरेको आम हड्तालप्रति ध्यानाकर्षण भएको भन्दै संविधान र प्रचलित कानुन विपरीत शान्ति सुरक्षामा खलल पुग्ने, सार्वजनिक तथा निजी सम्पत्तिको तोडफोड, सार्वजनिक यातायात सञ्चालनमा अवरोध नगर्न आग्रह गरेको छ ।
शान्ति सुरक्षामा खलल पुग्ने गरी तोडफोड, आगजनी गरे कारबाही गर्ने मन्त्रालयले बुधबार विज्ञप्ति जारी गर्दै चेतावनी दिएको छ । मन्त्रालयले उद्योग, पेशा, व्यवसाय सञ्चालनमा कुनै बाधा अवरोध पुग्न नदिन सुरक्षा व्यवस्था मिलाइएको भन्दै निर्वाध आफ्नो काम पूर्ववत सञ्चालन गर्न आग्रह गरेको छ ।
