काठमाडौं । नेपाल चिकित्सक संघले भेरी अस्पतालमा ड्युटीमा रहेका स्वास्थ्यकर्मीमाथि आक्रमण गर्ने व्यक्तिलाई कारबाहीको माग गरेको छ । संघले भेरी अस्पतालमा ड्युटीमा रहेका बेला हातपात गर्ने र स्वास्थ्य संस्थामा अस्वाभाविक हुल हुज्जत गरिएको भन्दै निन्दा गरेको छ ।
संघले मंगलाबार विज्ञप्ती जारी गर्दै सामाजिक अभियान्ताको नाममा स्वास्थ्यकर्मीमाथि अभद्र र अमानवीय क्रियाकलापमा संलग्न कुनै पनि व्यक्तिलाई कडाभन्दा कडा कारबाही गर्न माग गरिएको छ । कोभिड–१९ को बढ्दो संक्रमणको समयमा सम्पूर्ण चिकित्सक तथा स्वास्थ्यकर्मीहरु संयमित भई चिकित्सकीय सेवामा समर्पित हुनसमेत चिकित्सक संघले अनुरोध गरेको छ ।
भेरी अस्पताल नेपालगञ्जमा सोमबार आफूलाई सामाजिक अभियन्ता दाबी गर्ने ज्ञानेन्द्र शाहीको एक समूहले पेइङ वार्डमा ड्युटीमा रहेका चिकित्सक र नर्सहरुमाथि हातपात गर्नुका साथै अभद्र व्यवाहार गरेका थियो ।