काठमाडौं । नेपाली सेनाका १० वटा बख्तरबन्द गाडीले आज राति काठमाडौं उपत्यकाको चक्रपथ परिक्रमाको अभ्यास गर्दै छन् । सेनाको नियमित अभ्यासअनुसार नै ती गाडीले चक्रपथको चक्कर लगाउने योजना बनेको हो । बख्तरबन्द अर्थात हातहतियार सुसज्जित सैन्य सवारी–साधनको नियमित अभ्यास हुन लागेको हो ।

मुुलकका आठवटै पृतनाअन्तर्गतका ‘मेकनाइज्ड युनिट’बाट पनि यही माघ २१ गते देशका विभिन्न स्थानमा बख्तरबन्द गाडीको अभ्यास हुुने सेनाका प्रवक्ता सन्तोषबल्लभ पौडेलले जानकारी दिए ।

नियमित भए पनि सो अभ्यासबारे सर्वसाधारणलाई समयमै जानकारी दिने उद्देश्यले सेनाले त्यसबारे सूूचना जारी गरेको जनाएको छ ।

गाडीको अवस्था र आफ्ना साधनको प्रयोगमा चालकको आत्मविश्वास जगाउन पनि  सेनाले यसप्रकारका नियमित अभ्यास गर्दै आएको छ । विगतमा यस्तो अभ्यास सीमित स्थानमा हुने गर्थो । सर्वसाधारण नागरिकलाई आवतजावतमा असहज नहोस् भनेर रातका समयमा उक्त अभ्यास गर्न लागिएको सेनाले जनाएको छ । 

फाइल तस्बिरः नेपाली सेनाको फेसबुकबाट ।