काठमाडौं । राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । बोर्डले आज नतिजा सार्वजनिक गरेको हो ।
नतिजा राष्ट्रिय परीक्षा बोर्ड र नेपाल टेलिकमको वेबसाइट www.neb.net.net.np मा हेर्न सकिने राष्ट्रिय परीक्षा बोर्डले जनाएको छ ।
यस वर्ष बोर्डले ४० प्रतिशत अंकका लागि परीक्षा लिएको थियो । थप ४० प्रतिशत अंक कक्षा ११ को र २० प्रतिशत अंक कक्षा १२ को आन्तरिक मूल्यांकनबाट जोडेर नतिजा प्रकाशित गरिएको बोर्डले जनाएको छ ।
यसवर्ष नियमिततर्फ ३ लाख १० हजार ३१६ परीक्षार्थी सहभागी थिए । ग्रेडवृद्धितर्फ ९१ हजार ९ सय छन् । आंशिकतर्फ ३१ हजार ५५ सहभागी छन् । जम्मा कुल ४ लाख ३३ हजार २७१ परीक्षार्थी सहभागी छन् । एकजनाको परीक्षा रद्द गरिएको छ । यस्तै, ११ हजार ४९० परीक्षा स्थगित गरिएको छ ।