काठमाडौं । साबिक विजेता रियल मड्रिड स्पेनिस ला लिग फुटबलमा पराजित भएको छ । शनिबार राति भएको खेलमा १० खेलाडीमा समेटिएको रियल लेभान्टेसँग २-१ गोल अन्तरले पराजित भएको हो ।
घरेलु मैदानमा सुरुवाती अग्रता जोगाउन नसक्दा रियलले हार बेहोरेको हो । खेलको नवौं मिनेटमा इडर मिलिटाओले रातो कार्ड पाएपछि रियल १० खेलाडीमा समेटियो । १३औं मिनेटमा मार्को एसेन्सियोले गोल गर्दै रियललाई १-० को अग्रता दिलाए ।
३२औं मिनेटमा जोसे लुइस मोरालेसले लेभान्तेका लागि बराबरी गोल फर्काए । ७८औं मिनेटमा रोजर्सले गोल गर्दै लेभान्टेलाई २-१ को जित दिलाए ।
जितसँगै लेभान्टे २६ अंक जोडेर नवौं स्थानमा उक्लिएको छ । यता पराजित रियललाई शीर्ष स्थानको एट्लेटिको मड्रिडविरुद्ध अंक दूरी कम गर्ने मौका गुमाएको छ ।
एट्लेटिकोको ४७ अंक छ । दोस्रो स्थानको रियलले २० खेलमा ४० अंक जोडेको छ ।