काठमाडौं । हरि चौहानको अर्धशतको मद्दतमा विभागीय टोली आर्मीले अर्को विभागीय टोली एपीएफलाई चौथो संस्करणको प्रधानमन्त्री कप पुरुष क्रिकेटको उपाधिका लागि २१२ रनको लक्ष्य सुम्पको छ । टस हारेर पहिले ब्याटिङको निम्तो पाएको आर्मीले निर्धारित ५० ओभरमा ९ विकेट गुमाउँदै २१२ रनको लक्ष्य दिएको हो ।
आर्मीका लागि वान डनमा मैदान प्रवेश गरेका हरिले ५८ रनको अर्धशतकीय पारी खेलेका हुन् । उनले १०२ बलमा ६ चौका प्रहार गर्दै टोलीका लागि सर्वाधिक ५८ रनको अर्धशतकीय पारी खेलेका हुन् । ओपनर गएका सुशन भारी नवौं ओभरको अन्तिम बलमा पेभिलियन फर्किएपछि उनको स्थानमा हरि मैदान प्रवेश गरेका थिए । उनी अभिनास बोहराले फालेको ४७ औं ओभरको पहिलो बलमा कमल ऐरीको हातबाट क्याचआउट हुन पुगेका थिए । भारीले आर्मीका लागि १३ रनको योगदान दिए ।
त्यस्तै दोस्रो विकेटको रुपमा आर्मीले अनित मण्डललाई गुमाएको थियो । टोलीको ३२ रन हुँदा दशौं ओभरको पहिलो बलमा मण्डल अर्मीको दोस्रो विकेटको रुपमा पेभिलियन फर्किएका थिए । ११ रनमा खेलीरहेको मण्डल अभिनास बोहराको बलमा आसिफ सेखको हतबाट क्याचआउट भएका थिए ।
तेस्रो विकेटको रुपमा भिम सार्की ७ रनमा आउठ हुन पुगे । त्यसपछि मैदान आएका रोशित पैडेलले १३ रनको योगदान दिए । उनी भुवन कार्कीको बलमा लामो सट खेल्ने चक्करमा अमर रौटेलाको हातबाट क्याचआउट भएका थिए ।
कप्तान विनोद भण्डारी ७ रनमा एलबीडब्लु आउट हुँदा, उनको स्थानमा राजेश पुलामी मैदान प्रवेश गरेका थिए । पुलामीले हरिसँग ४४ रनको साझेदारी गरेका थिए । किशोर महतोको बलमा बोल्ड आउट हुन पुगेका पुलामीले २९ बलमा २ चौका र एक छक्का प्रहार गर्दै २८ रनको योगदान दिएका थिए । ९ बल खेलेका लोकश बमले २ चौकासहित १५ रन जोड्दा बिक्रम सोबले ११ रन जोडे ।
साहब आलमले रनको योगदान दिए । उनले १४ बलमा २ चौका र १ छक्का प्रहार गर्दै २५ रनको अविजित पारी खेलेका हुन् । त्यस्तै जितेन्द्र मुखिया शून्य रनमा अविजित रहे ।
बलिङतर्फ एपीएफका लागि मेडियम फास्ट बलर अभिनास बोहराले सर्वाधिक चार विकेट लिए । उनले १० ओभर बलिङ गर्दा दुई ओभर मेडन फाल्दै २५ रन खर्चेर चार विकेट लिएका हुन् । त्यस्तै किशोर महतोले दुई तथा कमल ऐरी, भुवन कार्की र कप्तान शरद भेसावरले एक एक विकेट लिए ।