खेल
काठमाडौं । नेपाली राष्ट्रिय क्रिकेट टोलीका अलराउन्डर सोमपाल कामी आबद्ध मराठा अरवियन्स आबुधाबी टी-१० लिगमा पराजित भएको छ ।
शुक्रबार भएको खेलमा मराठा अरवियन्स दिल्ली ब्लुससँग ९ विकेटले पराजित भएको हो । मराठाले दिएको ८८ रनको लक्ष्य ब्लुसले ५ ओभरमा १ विकेट गुमाएर ८९ रन बनायो ।
ब्लुसका लागि इभान लुइसले ५५ रनको अर्धशतकीय पारी खेले । मराठाका लागि एमिज अहामेजले एक विकेट लिए ।
आजको खेलमा सोमपालले १ ओभर बलिङ गर्दै १७ रन खर्चे । यसअघि टस हारेर पहिले ब्याटिङ गरेको मराठाले निर्धारित १० ओभरमा ४ विकेट गुमाएर ८७ रन बनाएको थियो ।
प्रकाशित मिति: शुक्रबार, माघ १६, २०७७ २१:५३
प्रतिक्रिया दिनुहोस्