खेल
काठमाडौं । राजधानीमा जारी राष्ट्रिय महिला लिग फुटबलमा विभागीय टोली त्रिभुवन आर्मी क्लबले सहज जित निकालेको छ । शुक्रबार भएको खेलमा आर्मीले रौतहटको चन्द्रपुर नगरपालिकालाई १०–० गोल अन्तरले हराएको हो । सातदोबाटोस्थित एन्फा कम्प्लेक्समा आर्मीको फराकिलो जितमा शर्मिला थापा र रश्मी घिसिङले समान ४–४ गोल गरिन् ।
यस्तै विमला चौधरी र सपना लामाले एक एक गोल गरिन् । आर्मीको यो दोस्रो जित हो । चन्द्रपुरविरुद्ध एकपक्षिय जित निकाल्ने आर्मीले पहिलो हाफमा ४ गोल गर्दा दोस्रो हाफमा ६ गोल गरेको थियो । जितसँगै आर्मी लिगको दोस्रो स्थानमा उक्लिएको छ । आर्मीले ४ खेलमा ७ अंक जोडेको छ ।चन्द्रपुर ४ खेलमा ३ अंक जोडेर लिगको छैटौं स्थानमा छ ।
प्रकाशित मिति: शुक्रबार, माघ १६, २०७७ १९:२५
प्रतिक्रिया दिनुहोस्