काठमाडौं । प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा दुई विभागीय टोली एपीएफ र नेपाल पुलिस क्लबबीच प्रतिस्पर्धा हुँदैछ ।

कीर्तिपुरस्थित त्रिवि क्रिकेट मैदानमा जारी खेलमा पुलिसले टस जितेर पहिले बलिङ गरिरहेको छ ।

साविक विजेता पुलिस आजको खेलमा जित निकाल्दै फाइनलमा स्थान बनाउने योजनामा रहेको छ । पुलिस प्रतियोगिताको समूह चरणको एक खेलमा पराजित भएको थियो ।

समूह चरणमा अपराजित एपीएफ आजको खेलमा पुलिसलाई सहज जै पराजित गर्दै फाइनलमा स्थान बनाउने लक्ष्यमा छ ।