काठमाडौं । टोटेनहम एफए कप फुटबलको पाँचौँ चरणमा प्रवेश गरेको छ ।
प्रिमियर लिग क्लब टोटेनहमले सहज जित निकाल्दै अघिल्लो चरणमा आफ्नो स्थान पक्का गरेको हो । सोमबार राति भएको खेलमा टोटेनहमले वाइकम्ब वान्डरसलाई ४–१ ले पराजित गर्यो ।
खेलको २५औँ मिनेटमा फ्रेडले गोल गर्दै वान्डरसलाई अग्रता दिलाएका थिए । ४५औँ मिनेटमा ग्यारेथ बेलले गोल गर्दै टोटेनहमलाई १–१ गोलको बराबरीमा फर्काए ।
८६औँ मिनेटमा ह्यारी विंक्सले गोल गर्दै टोटेनहमलाई २–१ को अग्रता दिलाए । ८७औँ मिनेटमा टानगाइ एनडोम्बेले गोल गर्दै टोटेनहमलाई ३–१ को अग्रता दिलाए । ९०औँ मिनेटमा एनडोम्बेले व्यक्तिगत दोस्रो गोल गर्दै टोलीलाई ४–१ को सहज जित दिलाए ।
अब टोटेनहमले पाँचौँ चरणमा एभर्टनसँग प्रतिस्पर्धा गर्नेछ ।