काठमाडौं । थोमस मुलरको दुई गोलको सहयोगमा वायर्न म्युनिखले जर्मन बुन्डेसलिगा फुटबलमा सहज जित निकालेको छ । आइतबार राति भएको खेलमा साविकको विजेता वायर्नले साल्केलाई ४–० गोल अन्तरले हराएको हो । साल्केको मैदानमा वायर्नलाई जित दिलाउन थोमस मुलरले दुई गोल गरे । यस्तै रोबर्ट लेवान्डोस्की र डेभिड अल्बाले एक–एक गोल थपे ।
मुलरले ३३ औं मिनेटमा गोल गर्दै वायर्नलाई अग्रता दिलाएका थिए । ५४ औं मिनेटमा लेवान्डोस्कीले गोल गर्दै बायर्नलाई २–० को अग्रता दिलाए । ८८ औं मिनेटमा मुलरले व्यक्तिगत दोस्रो गोल गर्दै बायर्नलाई ३–० को अग्रता दिलाए । खेलको अन्तिम मिनेटमा अल्बाले गोल गर्दै बायर्नलाई ४–० को जित दिलाए । जितसँगै बायर्नले शीर्ष स्थानमा ७ अंकको अग्रता बनाएको छ ।
वायर्नले १८ खेलमा ४२ अंक जोडेको छ । साल्के ७ अंक जोडेर पुछारमा रहेको छ ।