साहित्य
‘आज त निकै चर्को भाषण दिइस्यो नि ? ताली पनि निकै बजे ।’
‘तिमीलाई थाहा छैन कि क्याहो हँ ! आज भ्रष्टाचारविरुद्धको दिवस हो नि ।’
‘ए ! त्यस्तो पनि दिवस रहेछ है, मलाई त आजसम्म थाहा थिएन ।’
‘छ नि, धेरै वर्ष अघिदेखि मनाउँदै आइएको छ ।’
‘होला, तर खै मैले थाहा पाएकी रैनछु, हजुरले भाषण गरेको त यसपालि मात्रै हो नि, हैन ?’
‘हो, ठीक भन्यौ । हिजोसम्म त ओहोदामा थिइयो नि ! अहिले पो स्वतन्त्र भइयो र...’
‘अनि ओहोदामै रहँदा पो भ्रष्टाचारविरुद्ध लाग्नुपथ्र्यो नि त !’
‘धत् लाटी, उतिबेलै त्यता लागेको भए त यो घर, गाडी, तिम्रा त्यत्रा गहना–गुरिया कहाँबाट जोडिन्थे ?’
प्रकाशित मिति: शनिबार, माघ १०, २०७७ ११:०८
प्रतिक्रिया दिनुहोस्