site stats
बाह्रखरी :: Baahrakhari
साहित्य
Nabil BankNabil Bank
Sarbottam CementSarbottam Cement
कीर्ति कुल्हारी भन्छिन्– वैवाहिक बलात्कारलाई अपराध मान्नुपर्छ
Ghorahi CementGhorahi Cement

अभिनेत्री कीर्ति कुल्हारीले हरेकपटक आफूले निर्वाह गरेको पात्रको माध्यमबाट महिला सशक्तीकरणको आवाज उठाइरहेकी छन् । चाहे त्यो ‘पिंक’मार्फत होस्, ‘मिसन मंगल’मार्फत होस् वा वेब सिरिज ‘फोर मोर सट्स प्लिज’ नै किन नहोस् । कीर्तिले हाल प्रसारणमा रहेको वेब सिरिज ‘क्रिमिनल जस्टिस : बिहाइन्ड क्लोज्ड डोर्स’मा वैवाहिक बलात्कारजस्तो गम्भीर मुद्दाको पीडा वर्णन गरिरहेकी छन् । यिनै विषयमा नवभारत टाइम्ससँगको विशेष कुराकानीमा कीर्तिले म्यारिटल रेप (वैवाहिक बलात्कार) समाजको विशेष वर्गको नभई सामाजिक अवस्थाको समस्या भएको बताएकी छन् ।

सिरिजमा तपाईं निर्वाह गरेको पात्र (अनु चन्द्र) शिक्षित भएर पनि वर्षौँसम्म श्रीमान्को जबर्जस्ती सहिरहेको देखिन्छ । अर्को एउटा पात्रले पनि विवाहमा सम्झौताको कुरा गरिरहेकी हुन्छिन् । यसमा तपाईंको धारणा के छ ?

यो हाम्रो समाजको तितो सत्य हो । त्यसैले म यो सिरिज गर्न चाहन्थेँ । महिलाहरूमाथि शारीरिक मात्र नभई मानसिक र भावनात्मक दुव्र्यवहार पनि हुने गर्दछ । तर, उनीहरू प्रतिकार नगरी सहेर बस्छन् । किनकि, उनीहरूलाई समाजले सिकाएको पाठ भनेकै चुप बस्नु हो । हाम्रोमा वैवाहिक बलात्कार (म्यारिटल रेप) सानो वर्ग वा अशिक्षित व्यक्तिहरूमा मात्रै हुन्छ भन्ने मानसिकता छ । जबकि, यो कुनै वर्ग वा शिक्षाको कुरा नभई हाम्रो सामाजिक अवस्था हो ।

Agni Group

केटीहरूलाई, विवाह र सम्बन्धको डोरी महिलाहरूले नै जोगाइराख्ने हो भन्ने सिकाइएको हुन्छ । यसलाई बचाउन महिला आफैँले सम्झौता गर्नुपर्छ भन्ने सिकाइएको हुन्छ । तर, कतिसम्म सहने हो भनेर कसैले सिकाएको हुँदैन । जुन निकै खतरानाक कुरा हो । अनु लामो समयसम्म बलात्कृत भइरहेकी हुन्छिन् । किनभने, हामी यो स्वीकार्न तयार नै छैनौँ कि विवाहपछि पनि एक–अर्काको अनुमति, इच्छा आवश्यक हुन्छ । हामी त विवाह हुनु भनेको तपाईं एक–अर्काको सम्पत्ति हो भन्ने कुरामा विश्वास गर्छौँ । तर, बन्द कोठामा पनि पति–पत्नीबीच अनुमति चाहिन्छ ।

तपाईंको विचारमा सम्झौता वा सहनशक्तिको हद कहाँसम्म हुनुपर्छ ?

Global Ime bank

यो हरेक व्यक्तिका लागि फरक हुन्छ । तपाईं कतिसम्म सहन सक्नुहुन्छ त्यसको सीमा तपाईं आफैँले कोर्नुपर्छ । तपाईंले थप्पड हानुन्जेलसम्म कुर्नुपर्छ भन्ने होइन ! यसको कुनै क्राइटएरिया छैन । तर, केही कुरा सही हुन्न । एक–अर्कालाई पिट्नु, यातना दिनु वा दुव्र्यवहार गर्नु ठीक होइन । एक–अर्काको अपमान गर्नु ठीक होइन । मेरो विचारमा सम्मानले मायाभन्दा धेरै महत्त्व राख्छ ।

त्यो सम्मान सबैभन्दा पहिला तपाईंले स्वयंलाई दिनुपर्छ । त्यसपछि मात्र अर्को व्यक्तिले तपाईंलाई सम्मान गर्नेछ । जहाँ सम्मान हुँदैन, त्यहाँ केही पनि ठीक हुँदैन । तपाईंलाई थाहा हुनुपर्छ, तपाईंले कति बेला पछि हट्नुपर्छ ।

तपाईं पात्रहरूमार्फत महिला सशक्तीकरणको मार्गमा हुनुहुन्छ । तपाईंको हिसाबमा महिला सशक्तीकरण के हो ? कुन मुद्दालेतपाईंलाई सबैभन्दा बढी तनाव दिइरहेको हुन्छ ?

म एउटा मात्रै मुद्दा भन्नै सक्दिनँ । तपाईं मेरो काम हेर्नुहोस्, त्यसमा जुन मुद्दा उठाइन्छ, म त्यसमा कनेक्ट हुन्छु । त्यसैले आफ्नो काममार्फत उनीहरूको आवाज उठाउँछु । मेरा लागि मेरो समय, अभिनय क्षमता, ऊर्जा र पसिना कहाँ बगाइरहेकी छु भन्ने कुराले निकै महत्त्व राख्छ । यति धेरै गर्नुको केही मतलब पनि हुनुपर्छ ।

मलाई लाग्छ कि मैले समाजका लागि केही गर्ने माध्यम भनेकै अभिनय हो । तसर्थ, कलाकार हुनुको फाइदा उठाएर त्यस्तो चिज छान्छु, जसमा म विश्वास गर्दछु र त्यसविरुद्ध बोल्न चाहन्छु । जस्तै, यसमा वैवाहिक बलात्कार र दुव्र्यवहारको विषय र फोर मोर सट्समा अन्य धेरै विषयमा आवाज उठाएकी छु, आफ्नो पात्र र भूमिकामार्फत ।

मेरो विचारमा सही सशक्तीकरण तब उत्पन्न हुन्छ, जब तपाईं दोस्रो व्यक्तिलाई दोष दिन छोड्नुहुन्छ । जब तपाईं आफ्नो जीवनको डोरी आफ्नो नियन्त्रणमा लिनुहुन्छ । आफ्ना लागि आफैँ निर्णय लिनुहुन्छ । चाहे त्यो सही होस् वा गलत, तपाईंले त्यसको जिम्मेवारी लिनुहुन्छ ।

वैवाहिक बलात्कारलाई कानुनी अपराध बनाउने पक्षमा बहस भइरहेको छ । यसबारे तपाईंको विचार के छ ?

यस्तो पक्कै हुनुपर्छ । यसमा दुईमत नै छैन । वैवाहिक बलात्कारलाई आपराधिक दायरामा ल्याएर कानुनी दन्ड निर्माण गर्ने समय आइसकेको छ ।

अनु चन्द्र निकै जटिल चरित्र हो । त्यसको पीडालाई बुझ्न तपाईंले के कस्तो अनुसन्धान वा तयारी गर्नुभयो ?

मैले यसका लागि धेरै तयारी गरेँ । यस्तो यातना भोगिरहेकी महिलालाई बुझ्न र त्यो पात्रलाई निर्वाह गर्न निकै गाह्रो भयो । म यो भूमिका निभाउन चाहन्थेँ । साथै, मलाई थाहा थियो कि मैले यो भूमिकाका लागि हुन्छ भनेर आफ्नै खुट्टामा बन्चरो हानिरहेकी थिएँ । त्यसैले मैले केही मनोचिकित्सकहरूसँग भेटेँ र यो समस्याको दायरा कति फराकिलो छ भन्ने कुरा बुझ्ने प्रयास गरेँ ।

NIBLNIBL
प्रकाशित मिति: शनिबार, माघ १०, २०७७  १२:३०
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC