काठमाडौं । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत प्रदेश नम्बर–१ ले कर्णाली प्रदेशले २१६ रनको लक्ष्य दिएको छ ।

शुक्रबार र्कीतिपुरस्थित त्रिवि क्रिकेट मैदानमा टस जितेर पहिले ब्याटिङ गरेको प्रदेश–१ ले निर्धारित ५० ओभरमा ९ विकेट गुमाउँदै २१५ रन बनाएको हो ।

प्रदेश–१ का लागि सिद्धान्त लोहनीले अर्धशतकीय पारी खेले । ९७ बल खेलेका उनले ९ चौकाको सहयोगमा ६६ रन बनाए । त्यस्तै, सुभाकर औरले ३६ रन बनाउँदा मनीष थापाले २५ तथा श्रावण यादवले १७ रन जोडे ।

बलिङतर्फ कर्णालीका लागि रवीन्द्र शाहीले ३ विकेट लिए । त्यस्तै, दिनेश अधिकारी र अनुज चुनराले समान २/२ विकेट लिँदा दिवान पुन र राज शाहले समान १/१ विकेट लिए ।

आजको खेलमा जित निकाल्दै कर्णाली सेमिफाइनल सम्भावनाका लागि आफूलाई बलियो बनाउने योजनामा छ । दुई खेल खेलेको कर्णालीको २ अंक छ । प्रदेश १ भने यसअघि नै प्रतियोगिताबाट बाहिरिइसकेको छ ।