काठमाडौं । धनगढी क्रिकेट एकेडेमी (डीसीए) लाई सगरमाथा सिमेन्टले प्रायोजन सहयोग गरेको छ । घोराही सिमेन्ट इन्डस्ट्रीको उत्पादन सगरमाथा सिमेन्टले तीन वर्षका लागि एकेडेमीलाई प्रायोजन सम्झौता गरेको हो ।
सम्झौतापत्रमा बुधबार एकेडेमीका अध्यक्ष सुवास शाही र तथा इन्डस्ट्रीका तर्फबाट मार्केटिङ प्रमुख प्रतीक अधिकारीले हस्ताक्षर गरे । सम्झौताअनुसार तीन वर्षका लागि धनगढी क्रिकेट एकेडेमीलाई आवश्यक र्ने खेल सामग्री, ग्रास रुट कार्यक्रम, सहभागिता जनाउने प्रतियोगितालगायत सम्पूर्ण कार्यमा सगरमाथा सिमेन्टले सहयोग गर्नेछ ।
एकेडेमीले प्रयोग गर्ने जर्सी, सहभागिता जनाउने प्रतियोगितामा सिमेन्टको लोगो प्रयोग गर्नेछ । सम्झौतापछि घोराही सिमेन्ट इन्डस्ट्रीका मार्केटिङ प्रमुख अधिकारीले पुनः एकपटक धनगढी क्रिकेट एकेडेमीसँग सहकार्य गर्न पाउँदा खुसी लागेको बताए । "विगतझैं आगामी दिनमा पनि हामी क्रिकेटको सहर धनगढी र नेपाली क्रिकेटमा योगदान पुर्याउने प्रतिबद्धता जनाउछौं," उनले भने ।
यसअघि सगरमाथा सिमेन्टको मुख्य प्रायोजनमा एकेडेमीले धनगढी क्रिकेट लिग हुँदै मुलुककै पहिलो व्यावसायिक क्रिकेट धनगढी प्रिमियर लिग आयोजना गरिसकेको छ ।
