गण्डकी प्रदेश मातहतमा रहेको पर्यटन मन्त्रालयले सबैभन्दा बढी लगानी गरेको छ, होमस्टेमा । होमस्टेको अवधारणा ल्याइसकेपछि होमस्टे बनाइसकेपछि त्यसको प्रवद्र्धन कसरी गर्ने भन्ने विषयमा राज्यबाट केही पनि आएन । भारतमा नरेन्द्र मोदी प्रधानमन्त्री भएर आएपछि आन्तरिक पर्यटन प्रवद्र्धन गर्न भनेर वार्षिक दुई साताको पेड लिभ सुरु गरे । त्यसरी नै वार्षिक एक साता भए पनि कर्मचारीलाई पर्यटन भ्रमण बिदा दिन आवश्यक छ ।

त्यसरी दिइने पेड लिभको मिस यूज नहोस् भनेर प्रावधान पनि राख्नुपर्छ । त्यसले होमस्टेसहित समग्र पर्यटन प्रवद्र्धनमा सहयोग पुर्याउँछ । त्यसरी जोड दिने हो भने राज्यले सुरु गराएको होमस्टेको प्रवद्र्धन हुने, कर्मचारीहरू पनि घुम्न जान पाउने हुन्छ । त्यसले कर्मचारीलाई रिफ्रेसमेन्ट हुन्छ र आन्तरिक पर्यटन प्रवद्र्धनमा पनि सहयोग पुर्याउँछ । यस्ता कुरामा पर्यटन मन्त्रालयले ध्यान दिन जरुरी छ ।
 

विश्वमै प्रचार–प्रसारमा रहेको राउन्ड अन्नपूर्ण ट्रेकिङ । ती पदयात्रा मोटरबाटोका कारणले खुम्चँदै गएका छन् । यसका लागि स्थानीय तहबाट खासै पहल भएको छैन । अहिले हाम्रो संस्थाले नयाँ पदयात्राको खोजी गरिरहेको छ । सडक बाटोले अवरोध पुर्याएको ठाउँमा नयाँ पदयात्राको खोजी गरिरहेको हो । नयाँ पदयात्रा मार्ग खोजी गरेर मात्रै भएन, त्यहाँका स्थानीय सरकारहरूले नयाँ पदयात्रा मार्गहरूमा लज हाउसहरूको पनि विस्तार गर्दै जानुपर्छ ।

र, आन्तरिक पर्यटकलाई पदयात्रामा रुचि बढाउनका लागि अहिले भइरहेका ट्रेकिङ रुटहरूमा जलहरूको विस्तार गर्नुपर्छ । अहिले पनि २०३० देखि एनटीएनसीको नियम लगाइएको छ । त्यो समयका लागि ठीक थियो तर अहिले पनि त्यही नियम छ । जस्तो उदाहरणका लागि अन्नपूर्ण आधार शिविर जानुभयो भने त्यहाँ तीनवटा भन्दा होटेल छैनन् । त्यो बेलामा आउने पर्यटकको संख्या र अहिले आउने पर्यटकको संख्या धेरै छ । त्यसैले त्यहाँका लजहरू विस्तार गर्न आवश्यक छ । त्यहाँको वातावरण नबिग्रने गरी मापदण्ड राखेर पदमार्ग क्षेत्रहरूमा लज हाउसहरूको वृद्धि गर्न जरुरी छ । विस्तार गर्नका लागि यो सही समय हो । हामी तयारी भएर बस्नुपर्छ । ट्रेकिङ रुटमा लज हाउसहरू भयो भने आन्तरिक पर्यटकहरूमा पनि ट्रेकिङ जाने रुचि बढ्छ ।

 
त्यसैगरी आन्तरिक पर्यटक बढाउन विद्यालयहरूमा एडुकेसनल टुर गराउनुपर्छ । वार्षिक रूपमा क्यालेन्डरमै राखेर विद्यालयहरूले यस्तो कार्यक्रम गर्दा आन्तरिक पर्यटन प्रवद्र्धन हुन्छ । आन्तरिक पर्यटनमा केही न केही टेवा पुर्याउँछ ।

कोभिड १९ को असरबाट पर्यटनलाई उकास्ने प्रयास स्वरुप बाह्रखरी मिडियाले एनसेल–बाह्रखरी पलह अन्तर्गत पोखराका पर्यटन व्यवसायीबीच गरेको अन्तरक्रियामा उनले यस्तो आग्रह गरेका हुन् । सुस्ताएको पर्यटन क्षेत्रलाई पुनर्जिवित गर्न एनसेललगायतका कर्पोरेट क्षेत्रको सहयोगमा बाह्रखरीले गल्फ आयोजना गर्न लागेको हो ।  
एनसेल प्रमुख प्रायोजक रहेको बाह्रखरी गल्फको यो प्रतियोगितामा नेपाल टुरिजम बोर्ड, गण्डकी प्रदेश सरकार तथा पोखरा महानगरपालिकाको पनि सहकार्य रहेको छ । 

अन्य प्रायोजकमा डिसहोम, भाटभटेनी सुपरमार्केटस्, नेपाल इन्भेष्टमेन्ट बैंक लिमिटेड, काल्र्सबर्ग, सिभास रिगल, हुन्ड्याई मोटर्स, र आईएमई रहेका छन् ।