काठमाडौं । अखिल नेपाल फुटबल संघ (एन्फा) को १९औं साधारणसभा सम्पन्न भएको छ ।
काठमाडौंमा मंगलबार एन्फाको १९औं साधारणसभाबाट मनोनयनको व्यवस्थालाई खारेज गरेको छ । मनोनयन व्यवस्थालाई खारेज गर्दै एन्फाले अब २१ सदस्यीय नयाँ कार्यसमितिको व्यवस्था गरेको छ । निर्वाचनमार्फत आउने २१ सदस्यीय नयाँ कार्यसमितिमा दुईजना महिला अनिवार्य गरिएको छ ।
यसअघि एन्फामा १७ सदस्यीय निर्वाचित कार्यसमितिको व्यवस्था गरेको थियो । एन्फाले आफ्नो वार्षिक बजेटलाई समेत पारित गरेको छ । एन्फाको ८२ करोड ६६ लाख ४२ हजार रुपैयाँको वार्षिक कार्यक्रमलाई साधारणसभाले पारित गरेको हो ।
साधारणसभाले गत आर्थिक वर्षको बजेटको समेत समीक्षा गरेको थियो । गत वर्ष एन्फाले ४० करोड २६ लाख आम्दानी गरेको छ भने ४१ करोड २६ लाख रुपैयाँ खर्च गरेको प्रवक्ता राईले बताए ।