काठमाडौं । प्रधानमन्त्री कप राष्ट्रिय पुरुष क्रिकेट प्रतियोगितामा कर्णाली प्रदेशविरुद्ध विभागीय टिम त्रिभुवन आर्मी क्लबले १९६ रनको लक्ष्य प्रस्तुत गरेको छ ।
आइतबार काठमाडौंको मूलपानी क्रिकेट मैदानमा टस जितेर पहिले ब्याटिङ गरेको आर्मीले ४३ ओभर १ बलमा अलआउट हुँदै १९५ रन बनाएको हो ।
आर्मीका लागि अनिल मन्डलले अर्धशतकीय पारी खेले । ११४ बल खेलेका उनले १४ चौकाको सहयोगमा ८९ रन बनाए ।
आर्मीका लागि कप्तान विनोद भण्डारीले ४१ रन बनाए । ५५ बल खेलेका विनोदले ३ चौका र १ छक्काको मद्दतमा ४१ रन जोडे ।
बलिङतर्फ कर्णालीका लागि राज शाह, दिवान पुन र दिपेश अधिकारीले २/२ विकेट लिए । त्यस्तै, युनिस सिह, रवीन्द्रजंग शाही र अनुज चुनराले एक/एक विकेट लिए ।
आर्मी लगातार दोस्रो जित निकाल्दै लक्ष्यमा रहेको छ । कर्णालीले भने प्रतियोगिताको आफ्नो पहिलो खेल खेलिरहेको छ ।