काठमाडौं । चौथो संस्करणको प्रधानमन्त्री कप एकदिवसीय राष्ट्रिय क्रिकेटका लागि विभागीय टोली आर्मीले आफ्नो टिमको घोषणा गरेको छ ।
आर्मीले राष्ट्रिय क्रिकेट टोलीका विकेटकिपर ब्याट्सम्यान विनोद भण्डारीको कप्तानीमा प्रतियोगिताको लागि १४ सदस्य टोली घोषणा गरेको हो ।
आर्मीले यो संस्करणमा आफ्ना महत्त्वपूर्ण तीन खेलाडी गुमाएको छ । जसमा तीव्र गतिका बलर सोमपाल कामी, करण केसी र युवा अलराउन्डर कुशल मल्ल यो सिजन नखेल्ने भएका छन् ।
यूएईमा हुने टी-टेन लिगका कारण तीन खेलाडीले नखेल्ने भएका हुन् । आर्मी समूह ‘ए’ मा छ । आर्मीले उद्घाटन खेल (माघ २ गते) मा गण्डकी प्रदेशसँग खेल्दै प्रतियोगिता सुरुवात गर्नेछ ।
आर्मीको टोली :
विनोद भण्डारी (कप्तान तथा विकेटकिपर), रोहितकुमार पौडेल, भीम सार्की, हरिकृष्ण झा, लोकेश बम र जितेन्द्र मुखिया, राजेश पुलामी, अनिल मण्डल, राजु रिजाल, हरि चौहान, विक्रम सोब, आकाश चन्द, सुशन भारी र साहब आलम
प्रशिक्षक : चन्द्र साउद
व्यवस्थापक : राजिव चन्द