खेल
काठमाडौं । उपाधि दावेदार टोटेनहम प्रिमियर लिग फुटबलमा बराबरीमा रोकिएको छ । बुधबार राति भएको खेलमा टोटेनहम फुलहमसँग १–१ गोलको बराबरीमा रोकिएको हो ।
घरेलु मैदानमा एक गोलको अग्रता जोगाउन नसक्दा टोटेनहमले बराबरी खेलेको हो । टोटेनहमले पहिलो हाफमा नै अग्रता बनाउने अवसर पाएको थियो ।
खेलको २५ औं मिनेटमा ह्यारी केनले गोल गर्दै टोलीलाई अग्रता दिलाएका थिए । दोस्रो हाफमा फुलहमले गोल गर्न सफल भएको थियो ।
खेलको ७४ औं मिनेटमा इभान काभालिरोले फुलहमका लागि बराबरी गोल फर्काउँदै टिमलाई हारबाट जोगाए ।
बराबरीसँगै टोटेनहमले १७ खेलमा ३० अंक जोडेको छ । टोटेनहम लिगको सातौं स्थानमा छ । फुलहम १२ अंक जोडेर १८ औं स्थानमा छ ।
प्रकाशित मिति: बिहीबार, माघ १, २०७७ ०९:०२
प्रतिक्रिया दिनुहोस्