खेल
काठमाडौं । म्यानचेस्टर सिटीले प्रिमियर लिग फुटबलमा साँघुरो जित निकालेको छ । बुधबार राति भएको खेलमा सिटीले ब्राइटनलाई १–० ले हराएको हो ।
घरेलु मैदानमा भएको खेलमा सिटीलाई जित दिलाउन फिल फोडेनले निर्णायक गोल गरे । खेलको ४४ औं मिनेटमा केभिन डी ब्रुएनको पासमा फोडेनले निर्णायक गोल गरेका थिए ।
यस्तै खेलको इन्जुरी समयमा रहिम स्ट्रर्लिङले पेनाल्टीमा गोल गर्न सकेनन् । उनको प्रहार बाहिरिएको थियो ।
जितसँगै सिटी लिगको तेस्रो स्थानमा उक्लिएको छ । सिटीले १६ खेलमा ३२ अंक जोडेको छ । पराजित ब्राइटन १४ अंक जोडेर १७ औं स्थानमा छ ।
प्रकाशित मिति: बिहीबार, माघ १, २०७७ ०८:५३
प्रतिक्रिया दिनुहोस्