काठमाडौं । स्पेनिस ला लिगा फुटबलमा बार्सिलोनाले बराबरी खेलेको छ । मंगलबार राति भएको खेलमा बार्सिलोनाले इबरसँग १–१ गोलको बराबरी खेलेको हो ।
घरेलु मैदानमा भएको खेलमा बार्सिलोनाले बराबरी खेल्दै अंक बाडेको छ । पाहुना टोली प्रति हावी भए पनि बार्सिलोनाले घरेलु मैदानमा बराबरी खेल्दै अंक बाड्नु परेको हो ।
पहिलो हाफमा गोलरहित बराबरी खेलेका दुबै टोलीले दोस्रो हाफमा गोल गरेका हुन् । खेलको ५७ औं मिनेटमा पाहुना टोलीका लागि किकेले गोल गर्दै टिमलाई अग्रता दिलाएका थिए ।
६७ औं मिनेटमा ओसमान डेम्बेलेले बार्सिलोनाका लागि बराबरी गोल फर्काएका हुन् । यो सिजन कमजोर भएको बार्सिलोनाले पछिल्लो समय कमजोर प्रदर्शन गरिरहेको छ ।
बराबरीसँगै बार्सिलोनाले लिगमा १५ खेलबाट २५ अंक जोडेको छ । बार्सिलोना अंक तालिकाको छैटौं स्थानमा छ । यता, इबर १६ अंकसहित तालिकाको १५ औं स्थानमा छ ।