लमही । प्रधानमन्त्री कप राष्ट्रिय महिला टि–ट्वान्टी क्रिकेट अन्तर्गत आज (बुधबार) दुई खेल हुने भएका छन् । प्रतियोगिता अन्तर्गत आज समूह बी अन्तर्गत दुई खेल हुने भएका हुन् । दाङको लमहीस्थित देउखुरी क्रिकेट मैदानमा हुने बिहान ९ बजेको पहिलो खेलमा प्रदेश १ ले सुदूरपश्चिम प्रदेशसँग प्रतिस्पर्धा गर्नेछ । उपाधि दावेदारका रुपमा रहेका दुई टोलीले प्रतियोगितामा जित निकाल्दै आफूलाई बलियो बनाउने योजना बनाएका छन् ।
आजको खेलमा जित निकाल्ने टोलीले सेमिफाइनलमा आफूलाई बलियो बनाउन्े छ । प्रतियोगितामा नेपाली राष्ट्रिय टोलीकी कप्तान समेत रहेकी रुविना क्षेत्रीले प्रदेश १ को कप्तानी गरेकी छन् । सुदूरपश्चिम प्रदेश आफूलाई बलियो सावित गर्न पनि आजको खेलमा सहज जित निकाल्ने योजनामा रहनेछ । तर, प्रदेश १ सामु जित निकाल्न त्यति सहज भने छैन ।
प्रदेश १ की कप्तान रुविनाले सुदूरपश्चिमविरुद्ध आफ्नो खेलाडीहरुको बेग्लै रणनिति भएको बताएकी छन् । त्यस्तै आज हुने दोस्रो खेलमा गण्डकी प्रदेशले वागमती प्रदेशसँग प्रतिस्पर्धा गर्नेछ । दिउसो दुई बजे हुने खेलमा आज दुबै टोलीको पहिलो जित निकाल्ने योजना हुनेछ ।