खेल
काठमाडौं । नेपाली पुरुष राष्ट्रिय क्रिकेट टोलीको जर्सी प्रायोजनाको अधिकार एएनएस ग्रुप अफ कम्पनी मातहत रहेको एडप्याड प्रालिले पाएको छ ।
नेपाल क्रिकेट संघ (क्यान) ले जर्सी प्रायोजनको अधिकार एएनएस ग्रुप अफ कम्पनी मातहत रहेको एडप्याड प्रालिलाई बिक्री गरेको हो । क्यानका अध्यक्ष चतुरबहादुर चन्द र एएनएसका अध्यक्ष सुदीप थापाले मंगलबार सम्झौतापत्रमा हस्ताक्षर गरे ।
दुवै पक्षको सम्झौताअनुसार एडप्याडले राष्ट्रिय टोलीको जर्सीमा विज्ञापन खोज्ने र बिक्री गर्ने अधिकार पाएको छ । सम्झौता १५ महिना रहने बताइएको छ । प्रायोजन रकमबारे भने क्यानले सार्वजनिक गरेको छैन ।
प्रकाशित मिति: मंगलबार, पुस १४, २०७७ २०:२२
प्रतिक्रिया दिनुहोस्