लमही । कप्तान रुविना श्रेत्री वेलवासेकको  अर्धशतकको सहयोगमा  प्रदेश १ ले वागमती प्रदेशलार्ई १०७ रनको लक्ष्य दिएको छ ।  दाङको लमही स्थित देउखुरी क्रिकेट मैदानमा टस जितेर पहिले ब्याटिङ गरको प्रदेश १ ले निर्धारित २० ओभरमा ५ विकेट गुमाउँदै १०६ रन बनाउन सफल भयो । 
प्रदेश १ का लागि रुविनाले अर्धशतकीय पारी खेलिन् । ५५ बल खेलेकी उनले ६ चौकाको सहयोगमा ५५ रन बनाउन सफल भइन् । 

त्यस्तै अप्सरी बेगमले १६ रनको योगदान गर्न सफल भइन् । बलिङतर्फ आरती विडारीले दुई विकेट लिन सफल भइन् ।  त्यस्तै कृष्ना गुरुङ, कप्तान अश्मिना कर्माचार्य र निशा तामाङले एक–एक विकेट लिन सफल भइन् ।  आजको खेलमा जित निकाल्दै दुबै टोली प्रतियोगितामा आफ्नो राम्रो सुरुआत गर्ने योजनामा हुनेछन् ।