लमही । प्रधानमन्त्री कप महिला राष्ट्रिय टि–ट्वान्टी क्रिकेट प्रतियोगितामा सुदूरपश्चिम प्रदेशले गण्डकी प्रदेश सामु १०८ रनको लक्ष्य प्रस्तुत गरेको छ । 

दाङको लमहीस्थित देउखुरी क्रिकेट मैदानमा टस जितेर पहिले ब्याटिङ गरेको सुुदूरपश्चिमले १९ ओभर १ बलमा अल आउट हुँदैै मात्र १०७ रन बनाउन सफल भएको हो । 

सुदूरपश्चिमका लागि रेवती धामीले सर्वाधिक २७ रनको योगदान गरिन् । त्यस्तै कप्तान विन्दुु रावलले १३ रन बनाउँदा मन्जु बोगटी १० तथा रितु कानोजियाले ७ रनको योगदान गरिन् । 

बलिङतर्फ गण्डकीका लागि अलिसाका लामिछानेले सर्वाधिक तीन विकेट लिएकी छन् । त्यस्तै सरिता पौडेलले दुई विकेट लिँदा अञ्जली विश्वकर्मा, कुसुम गोदार र ज्योतिनिका मरासिनीले समान एक–एक विकेट लिए । 

आजको खेलमा उत्कृष्ट प्रदर्शन गर्दै दुबै टोली सहज जित निकाल्ने योजनामा छन् । आजको खेलमा जित निकाल्दै समूह बीमा आफूलाई बलियो बनाउने दुबै टोलीको योजना छ ।