काठमाडौं । कर्णाली प्रादेशिक फुटबल संघको अध्यक्षमा प्रमोद हमाल निर्विरोध निर्वाचित भएका छन् ।

प्रादेशिक तदर्थ कमिटी गठन गर्नेक्रममा अखिल नेपाल फुटबल संघ (एन्फा)ले सोमबार हमालसहित सात सदस्यीय कमिटी निर्विरोध निर्वाचित भएको हो ।

कमितिमा जुल्लाका भरत खत्री उपाध्यक्ष चुनिएका छन् । यस्तै, महासचिवमा गणेशकुमार कार्की, कोषाध्यक्षमा अजय बुढा थापा र सदस्यहरुमा कृष्ण खड्का, महेन्द्र चोधरी, खगेश्वर आचार्य रहेका छन् ।

एन्फाले हरेक प्रदेशमा तदर्थ कमिटी गठन गर्नेक्रममा कर्णाली प्रदेशमा पनि कमिटी गठन गरेको हो । अब उक्त निर्वाचित कमिटिले चारजना सदस्यलाई मनोनीत गर्नेछ ।

एन्फाका केन्द्रीय परीवेक्षक कुमार केसी र एन्फा उपाध्यक्ष शिक्षित पराजुलीको उपस्थितिमा प्रदेश कमिटी गठन गरिएको हो ।